بعد خدمة 3 سنوات باع الموتر والله يبارك للمشتري
10
4
إضغط هنا للإخفاء
السلام عليكم ورحمة الله وبركاته :
تحية طيبة للجميع وبعد
قبل فترة كنت أتصفح موقع حراج وشفت صورة لفورد عرفت انه فورد زميلي دخلت عليه والا لقيته عارضه للبيع
اتصلت وقلت وش السالفه
قلي والله محتاج مبلغ كبير مضطر ابيع واخذ سياره ايجار منتهي بالتمليك
المهم ماكذب والله جاتني غبنه لان هالفورد كان له ذكريات
قبل ماياخذ كان معاه ازيرا فل كامل مكينه 2.7 بعد ماجر الفورد قلي شوفلي فورد ببيع الازيرا
طبعا هو سمين وارتاح لجلسة الفورد وراحته
شرينا هالفورد من صالة سطا للسيارات بالشفا بطاقة جمركيه ب59 تقريبا
كان الممشى فحدود 140 الف
من يوم شراه لحد ماباعه ماغير له الا زيوت وفلاتر وبطاريه
ركب زنون عدسات ونصحته يركب دينمو بوليسي عشان تعطيه كهرب اقوى ومثل منتم شايفين الصوره الدينمو البوليسي راكب عليه ماشءالله تبارك الله
غيرله شاشه افلون
والخطوط كانت رفيقة الدرب له
صار مره موقف ظريف هههههههههههههههههه
كان القزاز معدوم ومحفر من كثرة الخطوط والساهي وماينشاف شي من القزاز والصدام رايح فيها طلعت البويه
حتى الشبك غيره لانه انعدم ورش الواجهه
فاضطر يغيره وطلعنا للسالم غيرنا قزاز امامي وثبته بشطرطونات على اساس اليوم الثاني يفكها بس حرصا على تثبيت القزاز
اتصل علي بعد فتره وقلي ترى شلت الشطرطونات وخلعت البوية معاها الاكتاف والتنده وصار شكل الموتر كوميدي
مابقى الا شطرطون واحد فالتنده حاول يشيله وطلعت معاه البويه
وهذا عيب فالفورد بويته تتقشر وتطلع بسرعه يمكن تشوفون فوردات بوياتها رايحه
الله يبارك للشاري والله انه اخذ موتر مايندم عليه
تفتكرون مرتين انزل موضوع عن هالفورد كان فيه تنظيف الثروتل والمره الثانيه العدسات اللي ركبها
الصيانات اللي كان يسويها
كل 10 الالف تغيير زيت المكينه موتور كرفت مع فلتر هوا وفلتر زيت
كل 40 الف يغير زيت القير
تغيير صفاية البنزين كل 20 الف كيلو
تغيير موية الاديتر
تغيير البواجي مره وحده
تغيير الكويلات عند ممشى 200 الف كيلو + تغيير حساسات الشكمان
الكفرات تم تغييرها اول ماشراه قودير ولحد الان باقي حالتها كويسه
الان معاه جيب سبورتاج كيا الله يعطيه خيره ويكفيه شره
إبلاغ
الردود
0
0
خلك من الفورد وش تبي فيه
خلك على تويوتا والياباني لاتدور غيره
قبل 10 سنه و 9 شهر